PENULIS CERPEN MOMOGUN RUNGUS

Photobucket
PCMR Radio Streaming

Isnin, 19 Disember 2011

sOrOw KoRimBuTuOn sId sUsUvAb

Sid tanga sodop dit hiza ozom...
It banal ko ozizingo om rondom kavut gumobu..
Nokosilau no it vuros nu banal ko asangong ot kingis..
It ompiling nu banal ko kosomporow sumirot tanganak mato..


Sid sodop diri amu no nokodop ko...
It koposizon nu notongkop no dot silaw korimbutuon..
Monitiw om momolitan dit bahazud ralan sodop...
It kasangong om kosorongoto nu..


It banal ko nopompon purimon mongoruhun koginavaan..
Mongopiling toruol sid sokoviai mongingizon dot pomogunan...
Iti sorow monginipi sid hiza diti...
Tahakai oku no katagan sumiliw dit inipi nu
 Sid sodop-sodop sumilau do korimbutuon sumuvab...








It's Me kEoNz

Ahad, 18 Disember 2011

pUrImOn dIt bArAt kOsOdOp

It barat tumovuruk no minkosup dot pompod tadau tumonob....
Mongo-vongo oku no tumingaha sid pompod tiningusan tavaan..
Sid marow mituvong sumodop...
Mongimot dit tiri dot darun sumondot sid pamanauhan dot pogihadan..
It kolunguizan mangatod doho sid koihadan..


Suvab okon noko mininan po ot purimon dikito...
Antawa yoku om ika kumaus diti piangaizan dikito..
Iri no tongo minangmangun minangahatul dit pinikousan dikito diti sid lapap dot piginavaan it miso purimon...
Iti no it etan lumazag sid rahat romou koihadan om tumozog sid vaig koirakan...
Iti no it etan kavaro tirak sid kolunguizan...
Iti no it borizu minonohugi dit pinihonguman ginavo dikito...
Tu nokotodong kono kondiri sid purimon nu..
Minanantag dit vusak-vusak pinisanganuvan purimon dikito...


Aso no kirum sid purimon dikito...
Aso no kingis om kirum nu siti pinizan piginavaan diti..
Tu it tongo sangod nokorikot no lumizud antad sid tinipi kosodop..
It tongo kosunduan amu milod mongoruhun om mangapad dit ginavo mogihad..
It purimon dino lumihong no antad sid tinipi tu amu no nataud...
Pomusarauhan purimon dit barat kosodop tumovuruk humarap dit minamangun manamod om mongolikup dit ginavo nakaraha sumunsui sid bantaran koposizan...






It's Me KeoNz