PENULIS CERPEN MOMOGUN RUNGUS

Photobucket
PCMR Radio Streaming

Jumaat, 27 Januari 2012

~cErPeN=oNg nOiLLaAn kU~~By kEoNz_LrYnZz~

KoPivosihan kumaa sid ddikou ngavi..
KoGuLu pO kOuNsApAtAan sId ddIkOu ngavi tU vArO Ot mAsA ddIkOu llUmIgAt mOngImOt ddItI cErPeN vErSi bbOrOs ddOt rUnGuS sItI bLoG kU..
tUmOrUnTuD oKu kUmAa sid ddikou ngavi ozI oM oHigak Ot pUrImoN gInAvO sEra mAmAsA kOu..
mOkItApaUs okU ong OgUmU ot kElemAhAn OkOn nGa kEkUrAnGan sIti..
~kOuNsApAtAn aNtAd sId ddHoN kUmAa sid ddIkOu nGaVi~


     




~cErPeN=OnG nOiLLaAn kU~










"Jean,..!!" Kumovili om tumoguvang oku no sid ddollou it mongoddim ddit ngaran ku ddino.Notimpan kuno i Lily ddino mangkus-tangkus toddoromoi mingkosup ddit llaang ku.Sid llongon ddau ddino varo timot ku ot pihahanggum Coklat om kokirum nobo yallo sid ddohon ddino.Yoku bo ddino noimot kupo yallo tumoronong mingkosup ddohon nga ininuddan kuno yallo,iri llaang kagi yallo mad kakal i odozomut minsan ko tumangkus.Momok-somok po yallo rumikot sid ddohon ddino potunuzo no yallo it Coklat sid ddohon.


"Lily,nunu kiti?Om isai noka ot pinatahak dditi?"Duat ku sid yallo ddino tu ovongo oku bbanal  bo.Amu po bogima rinamit ku ino Coklat antad sid llongon yallo ino tu kakal oku i monomsob ddit vuros yallo monginddoso antad sid ddisai ino inantadon it Coklat.Yallo nopo dditi nga ozom ogi it ginavo kakal i potunui sid ddohon.Imot ku it vuros yallo dot asangong om osorongot ino kakal i mihahanggum dot Coklat sid llongon munui-tunui om kokingis sid ddohon.


"Romito noka oi.Ikau ogi mai ogumu ot bbongut oi."Ka ddit bboros i Lily mongogorot ddohon.Nga yoku nopo bogima ddino om kakal i mivongo-vongo.Amu tantu illaan ku ot nunu gamaon ong yaddino.Isai noma ot kinarahangai dot songko anu i ot ongo bbarang antawa nga kakanan ong amu illaan ot isai inantaddon.


"It tullun minonuhu patahak sid ddika bo ddino it tullun monong ginavo ddika bo.Ino tullun ddau ddino amu otutunan ku.Ong otutunan kupo ma bbino nga amu i bboros sid ddika." It  llongon yallo ddino kakal i amu pinirik-pirik munui-tunui sid ddohon.


"Atukkk okosog ko ma dditi oi.Ika bo kagi oi varo po ot i olim-olim sid ddohon.Bboros poka oi issai ot pinatahak dditi?"Amu bo kagi bboroson nu sid ddohon.Sid hiza dditi bbanal noko kopurimon illo ginavo ku tipongillo it tullun pinatahak ddino Coklat ko'ozian ku.




"Mokitapaus oku kumaa sid ddika mai Jean.Nokobboros oku sid yallo dditi dot amu vallangon ku sid ddika.Nga tahakan ku ika po dot pomusarahan bo miuma no ino.It tullun ddau ddino antad sid sikul ku.Nokopirad okoi yallo sikul dditi.Ba miuma no iri bo om ingkaddai oku no mongodduat kai.Onuvo no kino Coklat oi.Aso bo kinorugizan nu ddino ong onuvon nuno oi gam kisurupu ko ogi ddino.Amu ma angasarok ot ongo tullun manahak dot ongo barang antawa nga kakanan ong amu ohorogoan bo.Bbanal noko surupu  nu tantu ino varo i tullun manahak sid ddika.


"Amu oku"Kakal oku i gumuvail ddit bboros yallo Lily ddino.
"Langkasai! Ohnuvo no kodduruk kai.Ong amu ohnuvoon nu ohnuvoon ku kagi.Atuk angod ma kagi kimatan ku oi."Yoku nopo ddino om kakal mitaramu om kovi ogi monirot ddino Coklat.Ong otopot no bogima mad otob ko aso toitung ku tipanganu ddino Coklat.


"Ong tipanganu ko ka oi,ohnuvo no kino.Amu tipanganu oku bo ong otopot no.Bboroso sid tullun it pinatahak ddino Coklat dot kaddan no pangadagangon okon nga manahak vagu sid ddohon bo.Ong bbanal ogumu ot sin ddau nga su'ul i atag ko moingrubat yadkiti.Lily,hondomo ino bbinoros ku sid ddika bo om poromuto no iti imuhun ku sid tullun ddino bo."Oimot ku it munung yallo Lily ddino ontob nikurubit mad amu anangan ddillo bboros ku.Opurimanan ku it oitung sid sarallom ginavo yallo Lily ddino mad bbanal noko aratan ddillo ginavo ku.


"Jean,bbanal noka ko amu manganu ko dditi?Amu po noimot nu it tullun ddau bo ddino.Ong imot nu pogi turus monongkegin ko ddau ddino.kadda kama manasal ko tohuddi taddau.Harati ddillo bboros ku ika konddiri ot orugi tu amu ginamit nu illo samod ddau sid ddika bo.Ong illaan nu po okon oruhai dot kasanganu kusai yadko yallo bo.Misosollod no mahi ot momodsuni monongkgin di yallo ddino ng ika it asavot ot ginavo kenginan yallo."Ontob kokingis oku minig-ining ddino bboros Yallo Lily.


"Kadda no kirad ddino.Manasal ko tantu ddino insan taddau ong amu mangasip ko ddillo bboros ku.Indanan pogi ong amu kasip ko ddillo bboros ku.Ong vudsok-vudsokon ku bboros ddati ollumagan ko konddiri.Ika no konddiri tumoronong sumingkotud sid ddau mokitorima.Nga hiza ddino okon noko ddika po dot taddau tu amu no monong ginavo ddika i yosiddo ddino.Ontok ddino bai mato nu po mikulab-kulab purak mato bo."I Lily ddino korojoho no mongoruhun ddillo ginavo ku bogima nga kakal oku i kumiit sino pongitungan om amu otolliban bboros yallo ino pongitungan ku.


"Ingkod noka Lily.Timaan po bbiri.Abangat oku no mining-ining ino moros-boros ko mai.Mallan oku kumibboros ddika kanangan ko ino kusai it aso kininillai to.Kuran killo ong miupakat kito ogi kanangan ko pelajaran bo?Kuran no ddit subjek matematik nu?Varo ka sampit nu sid subjek ddino?"Kokirum oku nga imot ku yallo Lily dditi ontob niantom it munung ddau mad amu bbanal anangan ddillo bboros ku.


"Ong ddino po ka aso i bo sampit dditi,sokoviai nga angavantang nopo bo.Nga varo i bo sampit ku dditi ddino inono..Ohnuvoon nu ko amu iti Coklat dditi?"Ontob minomilog oku ddot tullu bbanal noko asana oku ddino oguvail kobuatano yallo Lily ddit kakal mongo gorot ddohon manganu ddino Coklat.Isai ma kinaranghangai dot songko anu i ong amu illaan to ot inantadon.Ong otopot no dara sid nanad ddot ginavo ddino varo i ohobo tipanganu nga amu illaan ku ot isai minanahak bogima ino pogi amu ohnuvoon ku.


"Ong ino ddika dot sampit"Bboros di Lily sid ddohon.
"Lily,ingkod noka oi! Timan po bino oi.Ba positi noka..Ika ogi mai bbanal ko oguvail ong amu no anu ku i gorot nu sid ddohon.Sombo ot paddaan ongo somumut siti diti?."Bboros ku i seso.
"Jean!.. i addaa nu naku ino Coklat?Bboros di Lily ddino mad humongkob imot ddillo mato ku mad obulat no illo vuros yallo.Tu imot oku yallo bogima mogihim dit paddaan dot somumut.


"Lily,bbanal ko timot ko naku bo ong ohungatan oku di Dady ku.Ong illaan yallo manganu oku bbarang antad sid ongo kusai arat tantu ot kosondoto ku.Patazon oku ddati yallo.Ong ransak-ransakon momoros atahakan oku dot paping llongon tu bbanal ko amu koho yallo sid ddohon dditi ong illaan nu po bo.Bbanal ko rumosi oku kagi sid yallo.i Dady ku mahi ddino ong kohungot amu monoddiri om monopot ko mongera mahi.Ong amu i addaa ku bogima posiomboon ku?Sombo ot patagan ku?Ong otopot no bo aso ivou ku ong yadditi ot ginis.okon i ko amu tiakan oku bo."i Lily ddino bai minongohomu po tu nipillai kuno bogima ino Coklat sid paddaan dot ongo somumut it amu osodu antad sid iningkokoton ddahai miduvo.


"Jean.. Adeh,amu noka nokontok ino gama nu yaddino oi.Okon ko tiniman nu po mongimot okon nga monim mangakan?"Dduat yallo Lily sid ddohon sid dollou ollungui.
Alaid oku noma amu nakakan dot Coklat dditi oi ka dit bboros yallo Lily sid ddohon ddino.
"Orubat ong orubat biri Lily nga amu to illaan dot avantang takanon om amu iri.Ong otopot no bo kotobus oku kondiri ddino atagal noma ong tullun no padahak."Timpa ku dit bboros yallo Lily dino om ontok dino pinuzai-puzai kuno ino likud yallo mongingut mamanau millombus antad sid iningkakatan ddahai miduvo.


"Ika dditi opiit bbanal ot pongitungan..Mimongitung sid kavantangan bo okon seso karatan ot ohobo-hobo.Atuk mad angod ma kagi imot ku iri Coklat ddiri oi.Amu noka inomungan yallo dot magnesium peroksida iri.Mad ogumu bbanal suromo nu bo.Yallo ka ddino nga okon i ko mamatai po dika yaddino tu ombo bbanal ko monongkegin ddika om.Yallo ddino nga varo i ot pongitungan tavantang."Bboros yallo Lily sid ddohon it vuros olungui no kimatan ku.Nga yoku nopo ddino om koirak oku tu imot ku it kobuatano yallo turus nosimban yaddino.
"Songkuro noma ot su'ul yallo ddino sumiliu bantaran dino kusai patahak tongo bbarang sid ddohon."Burung ku sid sarallom ginavo.


"Lily,aso ma ot nobboros ku dot nomungan Magnesium peroksida iri Coklat.Ika no konddiri minomoros ddino.Timan po kino oi.Kaino muli."Kitai kuno ino llongon yallo ddino om toriko kuno mongovit mamanau.Amu tantu osodu kinosuruto ddahai yallo millombus sumurut mamanau mad sumimban it vuros yallo vagu no.Imot ku iti vuros yallo tibulat no mad notigagang tantu om turus tinarik no yallo ino llogon ku monuhu mintoron mamanau.Yoku bo ddino nga bbanal ko ovongo oku dit gama yallo yaddino.


"Atukkk,Jean mogos kito ong bbiano dditi.Noimot ko yallo paddaa dit Coklat it nisuhu ddau ddohon patahak sid ddika."Bboros yallo Lily sid it ddollou humongkob.
"Owh,atuk..bbanal bo?"Dduat ku sid yallo ddino.Mising noko amu illaan ku.Om ozom oku nopo bo ddino madko aso nunu.


"Kuran no dikito dditi ong yadditi?"Yoku bo ddino nga miniginsirot no sino mintutuk iningkokoton ddahai montoron mamanau mogihim dit tullun bboroson yallo Lily.Bbanal noko timot oku ddino vuros kusai it minanahak ddohon dot Coklat om timot oku ddino vuros ddau noruolan gianvo.Arat ka bbanal iti gama ku yaddino sampai noruollan yallo ginavo sid ddohon?Ong otopot nobo yoku konddiri nga varo i hak tu ino Coklat bogima nakatahak no yallo sid ddohon.kuro-kurozon ku nga ddohon dot kenginan.


"Noroullan yallo ginavo mai Jean."Bburung yallo Lily sid ddohon.
"Avantang ogi minoi!.. pongeraan ogi kumaa sid yallo ino,illaan ogi yallo dot okon ko sangkadahak i ot ongo nunu sid amu otutunan dau.era ogi yallo bbanal yalllo ddino tu okon sakavi ot ongondu dditi monongkegin ong bai atahakan dot ongo bbarang makin no ong bai yadko coklat bo..
"Ininddorosi ko naku yallo ddino ong amu no tumbbozoon nu ino nisuhu ddau ddika"Bboros sid yallo Lily misingkavaro sabahagi om monoro oku yallo.


"Amu noka nga bai humongkob oku sid ddika bo Jean.Adis sera noma iti gianvo nu dditi om ogiang ogi sid ongo kusai oi?"Bboros di Lily sid ddohon nga ontob kokirum oku orongou ku ino bboros yallo yaddino.


"Ong ino bboros nu okon ko amu katama oku mangambat nga inudai po hatus toun antad bbiano.Ong otopot nobo ddino dditi ontob aso po toitung ku dot ongo yaddino bo.Sid sarallom pointungan ku dditi..MARAJAL..bbaino bbanal ot toitung ku.Okon ko nokuro bogima Lily ong iti koposizon tokou zaman ddino dditi bbanal ko osusa ong aso sikul antawa nga kemahiran bo.Ong bbianono  no nunu nopo it ongo karaja nga koviai mongimot kelulusan dang ongo sikul,agi mavi ong varo po dot karaja dit amu mamakai dot kelulusan.
Ong ino tongo misamod ddino sera-sera nga obuli i.Aso misamod bo nga apasi i.Imatai ka illo tongo sigu tokou mangajal sid sikul nga ogumu i ot olohing-lohing no ot ongo umul nga kakal aso po savo.yoti ddino minsan ko aso po tongo savo nga kakal i ohigak om osinang ot koposizon tu varo karaja tatap bo.Irad po ddino noko boros oku no sid ginavo ku dot amu po mongitung ong yaddino.
Kaddan no ko hongkob sid ddohon boto.i kito dditi mirad ong otopot nu kakal i sumikul bo.Ba kuran kou noka duvo Leevin?Bboros ku sid yallo Lily.


"Ong iti po ddino aso i bo sampit ddahai miduvo.Illo piniangaizan ddhai nga ali-ali i bo,aso i ot mad amu kopianangan ddahai ong ddino dditi.Bai humongkob oku sid ddika dditi Jean."Timpa yallo Lily sid duat ku ddino.


"Lily,amu mulli ko oi?"Bboros sid yallo Lily ddino gama ku mangallalau dit pinibarasan ddahai miduvo ddino.mad ong allaid no vukokon oku no mining-ining.


"Mulli,nokuro ka Jean?"Ambat yallo sid ddohon ddino.
"Ba mogot-logot kito no bo,nokorikot no kagi ino bas di kito.Langkasai no boto ovian kito dot ogomon.Amu oku kagi mingkakat dditi."Nopongo oku  po momoros sid yallo Lily ddino momungo oku no rumompok dit ongo pelajar vokon mudan sino bas sikul dang sikul.Yallo bo Lily ddino nga gumusa no ddohon rumompok sid tolikud ku.


*****************************************************************************


Duvo no taddau nakatallib antad kinopibbarasan ddahai yallo Lily ddino.Yoku bo ddino nga amu no ogogovitaan it pinibbarasan ddahai.Yadko it koubbasan asal osuvab mamanau sumori sikul om kopimot okoi nga amu kopibboros-boros.Gam kopiudan okoi yallo dot bas sikul ddino nga aso i bo ogogovitan yallo kanangan ko ino pinibbarasan ddahai.Ong otopot no sid sarallom dot koposizon amu avantang bbanal tokou ong seso mamaal kesimpulan ong amu illaan tokou ot katapatan ddino tuturan okon nga it ongo kubatano tullun oimot tokou.


Hiza oku sid sarallom kalas,bbnal ko nokotigog illo ginavoku tu varo ot surat nimot ku sid sarallom dot laci it amu kininilai antad sombo inantadon dau.
"Jean.., Illaan nuka isai ot inantadon dditi surat iti?"Duat dit iso koruhang mizo okoi i dot kalas ddino.i Marny ot ngaran dau ino koruhang ku sangkalas.it ogomon ddahai miduvo dino minisampaping i,sap pogi noimot yallo ino surat.
"Amu ma illaan ku oi.Om mallan oku bo kagi mongimot ddino oi"Ambat ku dit duat yallo Marny sid ddohon ddino.Hiza ddino onuvo kuno it vuvuhau mondiu-sondiu sid pisuk dot kalas ddahai om pomuhau oku no dit ongo somumut karatas nangakaramang sid pallampag dot kalas.Ddohon bogima dot ngaran it taddau ddino momuhau sino kalas.


"Bbanal ka ko amu tipongillo ko dditi sinurat siti sarallom dot surat?Avangtang ma kagi iti kuhakub ddau oi mad ongo votik-votik ogi dot kollilibambang.Adeh,orugi ko tantu dditi ong amu no bbasaon nu.Bboros yallo Marny sid ddohon.
"Bbanal naku oi?Nokuro ka tipamasa ko ddino surat oi?"Duat ku sid di Marny ddino.
"Amu i ka nga ong i pabasa nu bbino aso i karatan bo."Timpa yallo sid ddohon.. Minongirak oku i tiseso bogima imot ku yallo Marny diti mad bbanal ko tipamasa ddino surat it sid sarrallom dot laci meja ku.Bbanal noko otopot bala it ongo tuturan ongo tullun sid ddohon,bbiano namato kuno konddiri yallo Marny dditi bbanal ko kotoboi dot ongo koruhang.Sap pogi bala ogumu ot amu ozi yallo ddino.


"Ba basaon kuno meti bo.. Kopivosihan Kumaa Sid Sumuni Bbanal ko Samadan om Ginovoon ku i Jean Othleo Lerrynz.."Tumoronong oku no sid iningkokoton yallo mamasa ddino om mad sollodo ku sid yallo ino surat ku ddino.
"Ong mamasa ko ka oi,kaddan no pallagadai tu orongou dot tullun vokon.Osukup no basaon sid sarallom ginavo bilo."Bboros sid yallo ddino om patahak kuno vagu ino surat.Nakadahak kupo sid yallo ino pinimozo ku yallo.
Isai ka ot inantadon ino surat ddino?Koitung oku i tipongillo bogima nga opiduvo illo ginavo ku ong otopot no.




********************************************************************************


It bas inuddanon ku ddino mamanau sumori sikul di Lily.Ino bas nokorikot no sid ponginuddan bas.Magavi oku no bbanal monirot sokoviai it songingkakat om songom-ogom it pelajar ddino.Sokoviai it pelajar ongo kusai sinonsob ku ngavi tu mongindoso om magkalu-kalu oku yosiddo nga sino i.i Lily nopo ddino nokoindakod po sino bas turus minigom sid sampaping ku nga amu nokurinan ku kovi oku mononsob dit ongo pelajar kusai.


"Jean, yossido ddino varo sino ponginuddan dot bas."Nokotigog oku ddino boros yallo Lily.Sinumirot oku no sid ponong tinuduk yallo Lily ddino nga aso i bo toimot ku ot kusai it katarik po dillo ginavo ku.
"Jean,imatai po illo hodi ka oi!..Hodi yallo ddino.Illo varo binabo juli otomou.Siratai kodduruk iti amu po kapanau iti bas."Amu no tinumbozo ku ino bboros yallo Lily tu abangatan oku ong allaid no.
"Lily,kakal ko ika humungot sid ddohon dditi"Dduat ku sid yallo ddino tu imot ku yallo ddino aso bongut.
"Humungot ong humungot iti nga amu no tantu bo.Nakazami-zami no iti dara."Ambat yallo Lily boros apatog sid ddohon.
"Bbanal ma ko osian yallo otopot no oi Jean,bbanal ko monongkegin yallo ddika ddino"Suput vagu dit bboros yallo Lily sid ddohon.
"Adeh,Lily ingkadai momoros kino oi.Amu bo illaan ku isai yallo ddino om amu tipongillo oku isai yallo ddino.Songkuro ponongkegin yallo sid ddohon ong amu otutunan ku mangamu oku i.Lily,nunu ino sid sarallom dot fail nu?Mad kimatan ku kollu dot surat kanto bo?"Bboros sid yallo Lily..
"owh,surat itahak sid ddika biti,surat antad sid yallo vagu no."Aso no bongut yallo Lily ddino.
Opurimanan ku iti ginavo ku bbanal noko nompug ot hungot om tigiran ku sid yallo ddino.Bbanal noko nakasana oku sid yallo.Ong otopot no ong itan dot koruhang tavantang okon yadditi nga yallo nopo ddino seso tumungkod ddino kusai it monongkegin ddohon.Okon ko yoku ogi tabbangan yallo ino kusai.Mad opuriman ku it opurimanan ku ddino illan i yallo Lily.
Sid sarallom humungot oku ddino ontob noko amu noillaan ku it surat sid fail yallo Lily ddino inanu om kininis sampi nopongo oku po monginis padaao kuno sid soliu soromin bas.
Opurimanan ku it gama ku yaddino ogumu tongo pelajar vokon it songudanan ddahai nokoimot.Orongou ku pogi yoti ddino agara ogi monoro om mangagauk ddohon tu itaman naku yoti ong putus sinta oku.


"Jean..! Nokuro ko dditi?"Nokotigog yallo Lily dit gama ku yaddino bogima.
"Adeh,abangatan oku no tantu ma ong seso ko yadditi kito oi.Agama ddino kusai i kito nga seso mioduo om amu kopionong.Ika kagi nga seso yallo ot tabangan nu nopo napo orualan oku dot ginavo bo."Bboros u sid yallo ddino.
"Kagima ong yallo ddino aso purimon?"Timpa yallo sid ddohon.Imot ku yallo dditi mad bbanal noko hungot tu ong it koubasan mahi okon yadditi yallo ddino minsan ko humungot no nga kakal i kokingis.Tu yallo bogima dditi okon ko tullun dit arampus ot kobuatano.Irad po ddino sompi minozom okoi i yallo om amu no minungallak hiza manau-panau ino bas monginud korikatan intoronon ddahai.
Adiss,kopogos tantu ma ong yadditi oi.Yallo Lily kagi nga noko hungot no tantu sid ddohon.Pad nopo iti purimon ku bbanal noko tisana sid kusai ddit monongkegin ddohon ddino tu ong okon ko yallo ot nakagama ddahai yadditi amu kopioduo okoi.




********************************************************************************


Hiza sid vallai oku nokoulli antad sid sikul.Ozom oku nopo om aso bbongut-bbongut ku yaddko it koubasan bogima okon ko yaddino oku.yoku no ot bbanal ko otuhara kumibboros-bboros sid suvang ongkob ddahai.Napo it ongo mollohing om ongopinai ku nga bbanal noko ovongo dit simbban dit kobuatano ku yaddino tu mad allanta bbanal it kinosimbbanan.Hiza sid vallai sera koulli oku nopo antad sikul bogima nga oguriok ogi ino vallai ddahai tu oguvail om asarok oku kumisimomoi dit ongopinai ku.
Iti purimon ku bbanal noko amu tumantu.seso ko humongkob it opurimanan ku.Nunu noma ot gamaon ku dditi ong kopisamung okoi no yallo Lily.Mongitung oku dot vaza supaya amu no kopioduo okoi vagu tu amu kenginan ku dot sera kopisamung okoi yallo dditi nga amu no mitiag okon miangai vagu.Aso no vokon bogima ot koruhang ku tanid ko yallo it bbanal ko asamod om avantang sid ddohon.
Kazai oku mongitung dit kobuatano ku om it pinibbarasan ddahai yallo Lily ddino.Ovukot ogi it pongitungan ku om ogullivong oku tantu.Na po nolingan ku no ot varo kalas tambahan sid sikul tu opogos bbanal bogima mongitung oku mogihim dot vaza kopionddusan ddahai sampai nokodong oku no modop.


"Jean,..!"Nokotigog oku dit koddim yallo Lily ddino minogom sid sampaping tinogomon ku.
Kakal i ka humungot yallo sid ddohon dditi?Bboros ku konddiri sid ginavo ku.Minsan ko mad varo i opurimanan ku dot oruol tokudik sid ginavo ku nga mising oku noko kumingis sid yallo gama ku sumuau bogima yadko aso nunu kinopiodduhan ddahai ddino
.
"Nokuro ko tu amu nokorikot sid kalas tambahan konihab?Ogumu ma ot tullun nokorikot ong konihab mitanid yadko it koubbasan.It kusai monongkegin dika ma nga nokorikot i ong konihab"Bboros yallo Lily sid ddohon om sumirot yallo ddino sid anak mato ku.
Nokotongong oku todduruk norongou ku ino bboros yallo ddino.


"Nunu ka ot harati ddino bboros nu dot it kusai monongkegin ddohon nga nokorikot sid kalas tambahan tokou?"Dduat sid yallo Lily ovongo.


"Iri kusai it monongkegin ddika ddino bbanal ko tisamung ddika.Yallo nga dumaftar i mozo dit kalas tamabahan mizo kalas tokou.Tu bbanal ko agazo ginavo yallo bogima ddino sumamung om kumibboros ddika minsan ko ino kalas tamabahan tokou ddino amu mionong sid yallo.Noillaan po ma yallo amu nokorikot ko konihab,imot ku yallo bbanal noko noruollan dot ginavo.Bbanal ma ko tisamung yallo ddika ddino ong otopot no nga ika ogi konddiri ti mad miaddamu sid ddau om amu ko manahak peluang bo."Bboros yallo Lily sid ddohon dit dollou tapatog poimozo ddit bboros ddau.


"Yoku ong otopot.."Turus sinapat yallo Lily ino bboros ku.
"Illo po amu kopomoros ko nunu su'ul no ong oguluvanan tika llaid,Nah iti buuk Autograf! illan ku ong zaman ddino dditi amaju no nga bbanal noko tumoruntud yallo sid ddika supaya lizaban nu mongimot iti buuk om basaon nu it sinurat yallo sino.Yoku konddiri ong bbiano nga tumoruntud sid ddika supaya amu no kinison om i adda tu ong bai ongo karatas mahi kinison nu.Iti nopo bogima agazo om akapal po."Bboros yallo Lily sid ddohom pokudapo no iti mato dau sampapas sid ddohon.
Yoku nopo ddino om ontob kokingis gagaratan illo ginavo mongining ddit bboros yallo Lily.Nopo po yallo moros-boros ddino lizabai kuno bogima mongimot ino buuk Autograf.Kinamai kuno mongolizab ino buuk mogihim dit sinurat sid sarallom ddau ddino.Allaid oku mongolizab bogima noimot ku ino sinurat it yaddko bbinoros yallo Lily ddino.


Basao kuno bogima;
Piniangaizan dit avantang om apapag amu tumanus sampai penllaid inono antad sid nanad dot samod,avanus ot ginavo om osibba ot ginavo.Amu mongimot dit inantadon,amu mongimot dit kavantango okon nga kovosi vuros om it umul otuo okon nga omullok.


Turus siniratan kuno yallo Lily ddino tu varo ot linsou dot bboros bbanal noko ogulivong oku mangaharati.
"Lily,nunu ka ot harati dditi bbinoros yallo ong otopot no iti linsou bboros amu mongimot  umul otuo okon nga omulok ka?"
Ozom ogi yallo monimpa ddino dduat ku"Ong otopot nobo yallo ddino omulok mantad ko i kito bo.
"Nunu..Ong purimon nu ka otutunan ku i ino tullun ddau oi?Amu ma kasip oku dot varo tongo kusai monongkegin omulok mantad ddohon oi"Bboros sid yallo Lily ddino.Yallo nopo Lily ddino om ontob kokingis ddit imot oku yaddino.
"Su'ul no ino ong imatan nu kodduruk ino ngaran kusai monongkegin ddika"Yoku bo ddino turus inimatan ku ino ngaran dit kusai monongkegin ddohon it nokosurat sid kulit dot buuk.
Ombono nokotigog tantu it ginavo ku ddino tu it ngaran kusai monongkegin ddohon ino mimang ko keginan ku llaid antad po gullu nga amu no tantu ahanddaman ku bbanal bogima tu seso osibuk oku marajal.


"Kotumba,..!! Lily,bbanal ka ko i Kotumba iti kusai ddau ddino?"Dduat ku sid yallo Lily ddino mad amu kasip bogima.Yallo bo Lily ddino nga niangguk iti tullu ddau mongoho ddit dduat sid ddau.Ombono bbanal noko otomon it ginavo ddino sera nillaan ku it kusai monongkegin ddohon ino i Kotumba.


"Lily,allaid no killai nu iti bo?Nokuro tu amu bbinoros nu sid ddohon kanangan ko iti ngaran yallo.Obbungou ko tantu mai tu niolim sid ddohon yallo bo."Hungot ko sid yallo om kinodut kuno ino llongon yallo sampai nokogizak yallo tu oruallan.


"Mokitapaus oku kumaa sid  ddika mai tu amu bbinoros ku kanangan ko ino ngaran yallo.Yoku konddiri bogima ddino nga nokobboros sid yallo dot amu bboroson ku sid ddika ino ngaran ddau.Amu mokillo yallo,kenginan yallo ong ikau konddiri ot killo.Ingkod no mokimalun sid ddohon tu ikau konddiri nga varo i silap ong otopot no bogima.Ong illan nupo sokoviai it surat yallo itahak sid ddika ddino varo ngaran yallo nga ikau ogi iti okon ko basaon kinison ogi."


"Lily..Iti kobuatano it taddau-taddau nakatallib naku bbanal ko arat oi?Mogos tantu bo ong yadditi oi,kuran no miti Lily.. Ikum oku tantu dit kobuatano sid yallo ma ong yadditi oi."Bburung ku sid yallo Lily ddino opian.Ong otopot no bbanal ko manasal oku ma ddit kobuatano it mad arat oi nga ba kuran po nakatallib no,su'ul no potollibon i om onuvon dot pongeraan sid taddau-taddau rumikot supaya amu no avazaan vagu.
Ong noillaan ku it kusai monongkengin ddohon ddino yallo allaid no torimaon ku.


"Ong otopot bogima ino yallo ddino allaid no monongkegin ddohon antad po ddit kinopisomungan ddahai hiza sukan dot sikul peringkat negeri duvo toun nakatallib.illan no llaid yallo ong monongkegin ddohon sampai kopisavo mimang apagaon nga iri po kopikoruhang ka" yallo Lily monuturan dit bboros di Kotumba kanangan ko it kinopitutunan ddahai ddino.


Bbanal ko otomon it ginavo ku ddino mad yaddko tudu-tuduon illo tavan osibba no kohigak po.Koruhang?Bai kumoruhang?Aso i bo karatan ddino.Ong yaddino no ot keginan dillo ginavo yallo ddino yoku nopo om kotungkod nopo.ino nga kavantangan sid ddahai miduvo tu sompi omulok po ot umul om kakal i mikul-sikul bogima.Yoku kagi ong otopot no nga aso po toitung sid misamod ong ddino dditi.


"Emm,Lily..bbanal ma ko mokitapaus oku dit karato buatan ku bo it tadau tinsan i.Adeh,mad tipononsulli ma nga varo ong iti oi tu...."
"Nunu?"Dduat yalllo Lily sid ddohon nga aso oku sid rompit yallo ino tu nokotuhun oku no antad sid bas sikul tu nokorikot no ino sid natad vallai ddahai.








  
#THE END#






~By kEoNz_LrYnZz~









2 ulasan:

  1. http://pcmr.at.ua <--- jangan ketinggalan untuk melawat web utama Penulis Cerpen Momogun Rungus.

    BalasPadam